الثلاثاء، ٢٣ مارس ٢٠١٠
الاثنين، ٢٢ مارس ٢٠١٠
رباعيات
الخلق مترصصه كام الف متر طابور
قسم بتتوزع عجلة حياه بتدور
اللي انزنق واتحشر خد حطه واتمتع
واللي وقف والتزم مجاش عليه الدور
****
اياك يا صاحبي انا تلعن ف يوم الزمان
واسكن بعيد او هنا مهش مهم المكان
كون للحبيب سوسنه كون للحبيب الامان
هتعيش حياتك هنا وتكون صحيح انسان
****
من صغر سني وانا ع الصحبه مبغنيش
علمني ابويا اقول الحق ولا اخبيش
صبحت ف عيون الخلايق كبيير
كم طير بالف جناح طويل الريش
همسه
مفتتح
يا ورده مابتعرف جفاف
يا ضي زيه الليل ما شاف
برضع ف نورك من بعيد
مع اني اصلا مش بخاف
القصيده
سدرك حليب
والعقد حبات الندي
يا صاحبة الوش البشوش
خايف ابوس ..خدك
تدبل الزهرات
والاغنيات تتخنق
بين الشفايف
خايف..بايدي اتلمسك
مع اني بتنفسك
من قبل ما تكوني
زرعك ف تكويني
ف متبعديش
واستحلفك..متقربيش
خليكي دايما بين وبين
البحر بتصونه الشطوط
لو ينفلت يغرق يموت
بين الرمال
قلبي اللي مال
رغم ان نبضه بيعشقك
وبيرسمك..جواه نقط
بتمد روحه بالحياه
بيحلفك...بنور عنيكي ورعشته
لما لمس بعنيه اديكي
متقربيش
خايف عليكي
السبت، ٢٠ مارس ٢٠١٠
الجمعة، ١٩ مارس ٢٠١٠
الأحد، ٧ مارس ٢٠١٠
عابر سيبل
الموت طريق
والخوف رفيق
قلب الولد
لساه رقيق
ينظر يمين
ينظر شمال
دربه يضيق
ينوي الرجوع
والجوع
مقطع معدته
من حسرته
حس البروده
ف وحدته
قادت حريق
عطش الولد
والبير عميق
خاف ينزله
ليموت غريق
صرخ الولد
ياهل البلد
عابر سبيل
ضل الطريق
سمع الولد
صوت في الخلا
صوت زلزله
زلزل كيانه وبدله
ليه يابني
ما اخترتش صديق
السبت، ٦ مارس ٢٠١٠
خايف
وبخاف
خيوط العنكبوت
تفصل ما بينا
وتتقفل
كل البيوت
والمح سكوت
فاتح عنيه
علشان يشوف
صوت الخرس
صدرك حرس
سهران ليلاتي
للصباح
ولاعاد مباح
حتي الكلام
ايه غيرك
ضي القمر
مين بدله
اصبح خسوف
مين خلي ترتعش
وتشع خوف
معقوله نفسك
هي نفسك
والا انا
ما بقتش اشوف
الاشتراك في:
الرسائل (Atom)
